GYULİÇKİMİ

Coxo sǩani "e" do "f" ten geyiḉǩen
Gyuli çkimi, guri muten eyimḉǩven
Merağiz goşaxe guri domaḉven
Omḉǩomi do gemişǩvi gyuli çkimi

Dido mskva re dido gogixtu meti
Avlaskani diyu doren cenneti
Daha var gaçkinu çkimi ǩiymeťi
Omḉǩomi do gemişǩvi gyuli çkimi

Ar nana giyonun gunže şişmani
Elçi memiyoniz mo ipişmani
Ma si var eǩḉopi dobipişmani
Omḉǩomi do gemişǩvi gyuli çkimi