LAS ESTREYAS

Las estreyas de los cielos, querida
Eyas son que arrelumbran
En eyas no hay firmeza
Niña de mi corazon
Ya me abasta la mia passion

Prima vez que yo te vide, querida
En mi alma entrates
Rayos de sol me dates
Niña de mi corazon
En mis ojos relumbrates

Una cosa te dire, querida
El mundo no queda ansí
Muchas cosas yo pensí
Niña de mi corazon
Ainda no te alcanzí

Ten pasiensia con ti, querida
En estos dias espera tu avenir
Que mos sera briyante
Niña de mi corazon
Mi amor en ti fondíyo