ADWIH
MOHAMAD ROUSHDY
صياد .. صياد ورحت اصطاد .. صادوني .. عدويه
طرحوا شباكهم رموش العين .. صابوني .. يا عدويه
اه يا ليل يا قمر والمنجه طابت ع الشجر
اسقيني يا شابه .. وناوليني حبة ميه
اسم النبي حارصك .. اسمك ايه ردي عليا
عدويه .. اه يا عدوي
اوعوا تحلوا المراكب .. والله يا ناس ما راكب
ولا حاطت رجلي في الميه .. الا ومعايا عدويه .. عدويه
اسمك عدويه يا صبيه .. ورموشك شط ..
وانا طول عمري غريب في الميه .. بتشال وتحط ..
يا ام الخدود العنابي .. يا ام العيون السنغافي
يا مركب البحر الغالي ..يا حجاب حشيلوا في غيابي
مدي ايديك خديني .. خديني ولفلفيني السنين خديني
والله صورتك بتنفع تزين الجرانين
اوعوا تحلوا المراكب .. والله يا ناس ما راكب
ولا حاطت رجلي في الميه .. الا ومعايا عدويه .. عدويه
في ايديا المزامير .. وفي قلبي المسامير
الدنيا غربتني .. وانا الشب الأمير
رمشك خطفني من اصحابي .. وانا ود صياد
لفيت بلاد .. وبلاد .. وبلاد
اتاريكي ساكنه الناحية دي .. يا سلام يا ولاد
من كان يقول البصه دي تصطاد صياد
دوار .. يا ناسيني الشوق دوار .. يا ممشيني كذا مشوار
في الموج نحتار .. ليل ويا نهار
عدويه .. اهي ..ضحكتها نهار
عدويه اهي .. شمس واسرار
اوعوا تحلوا المراكب .. والله يا ناس ما راكب
ولا حاطت رجلي في الميه .. الا ومعايا عدويه .. عدويه
