EL NAHARDA SEHEET MEN EL NOOM

النهاردة صحيت من النوم علي صوت ماما بتزعقلي قومي البسي يلا اجهزي عشان جايلنا ضيوف صحيت من النوم علي صوت ماما عاملة قلبان في الشقة سيبوني أنام شوية ده أنا نايمة الساعة واحدة ولقيت ماما بتجري في كل حتة عايزين مني إيه قلت ميت مرة لأ قالتلي عشان خاطري، ده ابن أنكل يسري الناس هتاكل وشي، البسي قومي معلشي طب إيه يعني متشوفيه، عاجباكي القاعدة معايا ليه؟ مش خسرانة حاجة، في حد تاني ولا إيه؟ و بنات كتير يتمنوا يجلهم واحد زيه وظيفة وشكل ومنصب وده غير مركز أهله احترام، اهتمام، معرفش بنات، ولغات، ومعيد في الجامعة وتقولي عنده شقة، وأكيد هيجبلك شبكة مش قادرين يفهموا، إن أنا مش موافقة ليه فاكرين كدة بيحبوني؟ بصراحة حاسة كدة عايزين يبيعوني! قلت اكمل دراستي، فتقول يا حبيبتي كبرتي كل اصحابك بقوا مخطوبين، ده حتي بنت اختي قلتلها اتجوز كدة استحالة حتي لو عنده شقة وهيجبلي غسالة مشيت وسابتني، وبعدها رجعت قالتلي الناس جايين يشوفوكي، البسي لأقول لأبوكي النهاردة صحيت من النوم علي صوت ماما بتزعقلي قومي البسي يلا اجهزي عشان جايلنا ضيوف قلت اقوم البس بسرعة عشان مش ناقصة اتخانق مع بابا وفجأة يقولي مش نازلة وكلمت كل اصحابي و قولتلهم ع اللي بيحصل قالولي كبري مخك هي ساعة مش أكتر فتحت دولابي طلعت البنطلون فبابا شافني بلبس قاللي بجد أنا مصدوم راح نده على ماما قالها شوفي بنتك قالتلي البسي فستان أو حاجة من سنك شوفيلك حاجة احلى، خدي بالك وانتي داخلة و انتي بتديله الحاجة الساقعة، تقومي واقعة وانتي قاعدة افضلي ساكتة، مش عايزة ولا غلطة وساعتها الباب خبط فجأة، وكله بيجري في الشقة لما بابا فتح الباب، طلعوا الناس مع البواب والجيران من الشباك يتفرجوا وبقينا فرجة والعريس كان شكله لبخة، عمال يقولي في نكت بايخة وماما تضحك و أنا ساكتة وكل شوية ابص لبابا اقوله مش موافقة قاللي لأ مفيش شغل بعد دراستك و أكيد وقتك لبيتك، مامته قاعدة بتتنك طب على إيه! عاوزيني اتجوز ليه؟ النهاردة صحيت من النوم علي صوت ماما بتزعقلي قومي البسي يلا اجهزي عشان جايلنا ضيوف ليه البنت تعيش في كابوس؟ وتدور على الفلوس ما كفاية زن عليهم، ليه تكرروا ف كلام محفوظ! الموضوع محتاج تفكير، وكتير هايلين في التمثيل لو هيشوفوا كل العرسان، برضه مفيش حاجة بتبان مش عايزة اصحى من النوم، علي صوت ماما بتزعقلي و تقولي انجزي، ما تتجوزي، البسي اعملي معروف مش عايزة اصحى من النوم، علي صوت ماما بتزعقلي أنا هلبس بس لوحدي، وهتجوز براحتي